17
Apr
09

BAPA PALUI JE BISIT

Ije andau ….   bapa Palui     tulak           malauk sambil malenggang . Dia           kanarai kahanjakae ….  dia samapi ije  puntung andau   ie    mamasang buwu  dinun lauk hai.

Balalu  ih ie  buli  lumpat kan huma        mangguang dapur manguan……,          marasih lauk  te  palus   mantukan        kayu apui   mamapui huang dampuhan.Te ie mahimun apui    hapan SIONG( buluh kecil berlubang khusus untuk meniup api supaya besar nyalanya),                              …bushhhh..bushhh……Limbah  kayu apui te  te jadi buring….. te  lauk             andakae hunjun  barah ……

Mmmmm……Mmmm…. lalehan kamangat tutu ewau  lauk bapapui te. hiu-hiut  sinde ewauae  hapus huma sampai kan luar. Limbah mbali-mbalik hunjun apui , masak ndai luak te. Iwe-iweh anakae Palui keme ewau  taluh te……. ie mipen , lembut mahiau karuyuk  kanai , basa puna jadi jam  kuman .

Balalu pa Palui munduk  manaharep lauk te , duan bari….  kuman kabuatae. Sambil bajungkuk ,puna dia ie bingat taluh sambil gantau , melap-melap kuman sampai besuh.

Kuan anakae Palui : “….. Apaaa… aku balau kea, aku handak kuman….. laku  lauk..” Kuan pa palui :”…Huhh jatunnnnn….dia sukup”.

” pa…. aku balau, laku isuttt   , ikuhe  barangai……” Kuan Palui

“Huhh!……. ikuhe  mahin mangat…”, aue  tumbah .

” Tisike  brangai kea pa….”..” Hhhh… tisike mahin magat…!”

” paaa…….tulangae mahin barangai pa.. aku balau  …” kuan anakae tinai tuntang nampara  balua danum matae.

“Huhh!……tulangae  mahin mangat…”, te balalu anakae Palui  manangis awi paham balau  tuntang rengu-renguk belaie.

Dia tahi… dumah indu Palui bara tana….kua :” mbuhen anak ikau manangis ?”

“Aku balau mai, ….bapa dia maku manenga aku lauk hapan kuman , lepah kina akae kabuatae. ”

Puna lalau je bapak Palui. Te indu Palui  tulak kan tana .Huang jalan  ie  hasundau dengan   bajang ije sangkawit tanduke  huang dahan kayu. Balalu ie mampatei  bajang te tuntang  manguan pakasak  daging bajang. Tapi takuluk bajang  te andakae hunjun  tunggul saran sungei.

Daging bajang te  ingkesa manyahukae, akan ewen due hanak kuman.

“Kueh akangku daging bajang te ,aku handak kuman” kuan pa Palui.

” Duan ih hung kanih …saran sungei hunjun  tunggul..” kuan indu Palui.

Te palus pa Palui  guang  kan batang…. te gitae  kulok bajang hung  danum. Balalu ie  tajun kan sungei, maneser tapi pire-pire katahi  jatun ie dinun bajang te.

Amun ie mandai kan hunjun batang…gitae tege  tinai kulok bajang te, .. te tajun tinai ie haluli , kalute  ie  lulang luli.
Awi ie lalau katahi nah….. indu palui mangguang ie kan batang…. laleha katahi ie hindai dumah, narai gawi kanih, kuan huang atei indu Palui.

Sampai huang sungei gita taluh gawin pa Palui je ame-ameh , bisa luntus  lulang luli maneser, padahal kulok bajang te huang hunjun tunggul saran sungei.

Te ie balait dengan pa Palui :”..laleha kamameh mu ikau nah…..te kulok bajang  nah …. hunjun tunggul te….”. Palus mukulae  pa Palui te sambil sapae rawu-rawu  lepah kahumung kapaleng  pa Palui . Balalu ewen due buli kan huma.

Pa Palui bajanji  dia hindai bisit  dengan anak sawae…..ie  mangaku kare kasalae tuntang   handak belajar batanggungjawab akan  pambelum ewen hanak.

Te ewen  belum  manguan kabali baluhae bua-buah ampi hindai.

AJAR JE TAU  ITAH MANDUAE :

1. Itah  ela belum  bakuhu,…. dia bingat kulae je   belum huang katapas. Kalunen harus magun hadohop,  haruyong, rajaki tau  kinan  habagi isut sama isut. Tuhan te Pamasi … te  Ie  manenga  atei ije pamasikea  akan kalunen, awi te kalunen  tau  pamasi kea  akan kulae.

2.  Auch oloh bakas  huran….” Ela lalau itah murah sangit  je dia kalaluen,jete dia bahalap, mahin amun sampai itah  mawi ngapehe kulae”.

Keleh itah amun tege taluh je dia  kasanang huang atei, te itah dengan sabar tuntang randah atei  mamanderae babuah ampie. Oloh bawi  /sawae kabalie te   mahormat  banae amun banae te jatun pangatawae je paham are taharep anake.

3.  Ela murah handak mawi banae/kabalie , pik pak mamukul kulae te wayah toh tau kana HUKUM pidana  UU KDRT . Te olon belum  hapingat   hakasanan amun tege  taloh je dia uli hapakat uka   belum  hanjak rantang sambil majar kulae.Kareh awang anak jaria balajar  bara suntu oloh bakase je bahalap……yete belum hapingat hapakat.

4. Kawan anak itah  balajar mahormati , sinta , dengan oloh bakase, kawan kawale……amun ewen manampayah suntu bara oloh bakase.

SUMBER :  IBU LINDA NISIDA.

Palangkaraya 16 April 2009


9 Responses to “BAPA PALUI JE BISIT”


  1. 1 pdt.friets rumpas-bukit hindu
    May 18, 2009 at 10:02 pm

    salamat hamalem ibu,,hanjak aku manyeneh kesah tandak ibu, pakare tinai bu,,aku hanjak mun ibu mampakare kesah sarita itah helo, mangat taloh te dia leteng awi kesah bara laut, kilau sincan, naruto,, salut akan ibu

  2. 2 lindanisida
    May 19, 2009 at 9:11 am

    Trimaksih Pak Pendeta …. trimaksih jadi maja kan PUDUK ayung ku toh.

    Tuntang tarimaksih kea akan dukunganah, basa male handak hapuskan uras/ handak nutup ku mikeh dia bermutu dan dia menarik…..awi jr tahiu taluh huran,,, ,,tapi jete je menjadi kerinduan huang atei tuh , pak….bakarah angate awi kutak dayak handak nihau , dia kawan tabela kasene….. haranan oloh bakas je ja majare , termasuk aku kea.

    Kajaria aku tarewen….. te jati diri ja dia tau ure-ureh…. tau nihau amun itah bakas dia cangkal mampalampange haluli.

    Tapi ampi are kawan tabela je mambasae, ,,,jadi kuan ewen bahalap bu ela nutup….. yah akhirnya terus….. dan aku jadi semakin semangat manulis hindai,

    Tks Pak…. shalom… Tuhan puna masi akan oloh Dayak.

    Bless
    Linda

  3. 3 Riani G. Elikson
    June 7, 2009 at 11:49 pm

    Hallo Ibu Linda,

    Aku tarewen dan hanjak mangatawan dan tau manyupa tege je tau mbasakuh tentang uluh Dayak hung dunia maya tuh. Salut akan ibu je cukup are aku mahining tentang kepedulian ibu akan uluh itah hung kalteng tuh. Dengan pengalaman, kemampuan dan keadaan ibu, bahalap tutu ibu manggawi taluh bahalap tuh yete melestarikan budaya uluh Dayak mangath dia lilap bara hunjun petak tuh.

    Lanjutkan… he he.. dia bermaksud umba-umba kampanye, tapi kilau kuan SBY, je bahalap ilanjut dan je hindai bahalap ingambuah uka bahalap demi kpentingan itah uluh are/Dayak.

    Tabe,

    Riani G. Elikson

  4. 4 lindataway
    June 8, 2009 at 7:15 pm

    Hallo IBu Riani….pasti oloe cantik kilau arae kea.

    hehe,,,,,lanjutkan lah Bu, terimaksih sanjungan Ibu aku hanjak tutu amun tege gunae akan itah kea.

    Itah harus bangga jadi oloh Dayak…Terimksih are je mendukung blog jituh, tau ibu kirim materi akangku patame amun tege.Bu.

    Puna hebat je oloh bawin dayak te…..Isen Mulang .!!

    Tabe , Linda

  5. July 13, 2009 at 9:54 pm

    Salamat hamalem mina,
    bahalap kesah je nulis, ternyata bara bihin tege jadi pesan tentang KDRT, uluh haru nampa undang-undang setelah sekian abad uluh dayak jadi ngajar jite melalui cerita rakyat je menarik.

    Tuhan memberkati

  6. 6 lindataway
    July 23, 2009 at 12:33 pm

    Trimakasih Hendry…. sudah mampir…..semoga kekerasan berkurang dalam rumah tangga di Kalteng dengan adanya UU yang melindungi anggota keluarga .

  7. May 15, 2012 at 5:18 pm

    aku dia sengaja kia gau2 ampin cerita rakyat dayak ngaju hapan hp tuh. Pas supa kia ampin kisah bara mina toh. Aku metuh kurik puna jia puji je hining kisah je kilau tuh je langsung tge kare pesan moral. Gwi aku puna lahir metuh zaman serba canggih dai. Semoga kisah rakyat tuh tau berkembang hindai.
    Sucses ih akan mina ela jera manulis kisah kilau kutuh himdai. Tuhan memberkati

  8. 8 Pepeng
    August 8, 2012 at 5:47 pm

    sanang angat atei tau mambasa kesah pa palui
    semangat tarus manulis mina
    ikei kawan tabela tuh umba mandukung
    mandahan Hatala halajur menyertai itah urasah…

  9. 9 Dwiki Aditya
    August 13, 2013 at 7:31 pm

    Are makasih bu, akang ku laku akan PR ku


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



http://anakjalanan.blog.niwakarya.com
Saya terlahir sebagai seorang wanita dari suku Dayak Ngaju Kalimantan Tengah. Berikut ini adalah berbagai pemikiran saya, dari sudut pandang saya sebagai seorang wanita Dayak , terhadap berbagai permasalahan di lingkungan yang menarik perhatian saya.

LANGUAGE

April 2009
M T W T F S S
« Mar   May »
 12345
6789101112
13141516171819
20212223242526
27282930  

Terhitung

  • 155,565 pembaca

live traffic feed


%d bloggers like this: