16
May
09

Buring dengan tilam Dah

KESAH   BURING.

Tege  kesah  zaman huran ….huang  ije lewu  tege  belum   Indu Buring dengan anake  je arae Buring . Human ewen huang saran lewu tukep parak

kayu.

Buring lagi kurik langena kahai…… genep hanjewu , limbah jadi sadia kare taluh kinan ewen due hanak ,te   Indu Buring  tulak kan tana malan manana  kabun pambulan. Buring lihie  kabuate  huang huma.Te iye busik kabuate………Basa jadi patuh lihi indue.

Ije andau  metuh Buring melai huma kabuate  hindai……dumah ije kungan Bakei je hai biti berenge.  Krihhh..kraahhh…. tame  nangkeru bara jandela. Tarewen Buring …genjehgenjeh mikeh ngirute .

Kuae :”…. Narai gawim ?….,,eweh aram  ?…..”sambil ih Bakei te  kumbang kamba hapus huma.

“ Arangku Buring….. jatun ih gawing ku lagi busik ih sambil nunggu umaiku dumah bara tana……”.

“ …kai nah….., narai ampi taloh kinan nah Buring , aku balau, hindai kuman…….”auh Bakei hai te sambil ngaju ngawa  mananjung  payah ngaju payah ngawa…. bakakikeh…marak je biti hai….. baun mata papa ampie……habulu

“ Juluk bari dengan balut te akangku….. aku handak kuman …..”..awi Buring  karas kikehe , te ie manenga  balut ewen due hindu.

“ ..lehae  kaisute..tapas, kueh hindai …? Juluk te palepahe……”

Melap-melap Bakei hai te kuman…..kayahhhh bakuhuuuu…haiii pipi ngalembung, kanai bunter, gining-gining.

Munduk ih Buring payah ie kuman.

Limbah Bakei hai te besuh, balalu ndai ie  buli kenju-kenjut para ….ja pander  ndai dengan Buring ………te Buring kueh mikeh, kueh balau….. ie siru-sirut manangis.

Metuh  indue dumah bara tana jadi andau halemei liwus kaput……” Buringggg……kueh ikau nak ?”…”. tuh aku  mai “,…..” mbuhen ikau hikau parak kaput”, “..aku mikeh dengan Bakei hai, endau  dumah han hetuh, kumbang kamba, …”

“ Yu nak kue kuman … aku balau…..endau jadi aku mandui  hu batang danum, mangat angat berengku……”

“ Jatun maii….lepah panginan kue kinan Bakei jiteee ..”

“ Laleha Bakei jite ….”

Jewu andau……sakalinya dumah hindai Bakei hai te…… balaku kuman hindai, nyamah mimbit anake…rundu-rundut…….rami  ampi puna lalau…… te Buring mikeh dengan ewen….. benyem ih mikeh ngirut e.

Dumah inu Buring bara tana…… te Buring managadu  Bakei te dumah indai.

“ …Jewu anak…. Itah  manjabak bakei hai te …patuh ie aka keme..”“ yu ita  mandak  gita huang  panci ….. limbahte  nusuh akae gita te hunjun tilam  kau…”

“ Amun bakei misek …. Narai gawim Buring …. sanan aku lagi manunggu tilam Dah…”

“ Tilam Raja….. ela manukepe  dia tau…. Awi dia barangai tilam……”

“Kareh aku nyahukan huang  likut atep dengan pantu kayu…… amun Bakei misek sanan  aku kan tana……Amun ie mamaksa  handak menter hunjun tilam …nyuhu ih ….kare aku balua  ,itah manggulung tilam te mangat ie matei….”

Te andau jewu…… laka benteng hanjewu, pea hureh  balalu dumah ih  Bakei jite kabuate……nangkeru tame huma  bara  baunsenguk…….kilau bahut ,,,, payah ngaju ngawa….. gayan bakei bahut.

“ Hauuuu….. narai gawin nah Buring…. Narai ampi je ngipas mu te…..”

“ Ela tukepppp….!!, dia tau tukep..!!

“ Narai kanah…. Buah ampi “, kuan Buring: “ …huhhhh ela tukep….!”

“ Narai te nah..!!”..

“ Tilam Dahhh…….eka menter Raja ! “ kuan Buring.

“ Cuba aku keme ….. sanjulu ih..narai angate “…” dia tauuu…. Ngahana umai !!!”Bakei nah cara maksa,  “ takan ih….. tapi amun menter hete  ikau  balalu manggulung arepem mangat…. kamean kamangate”

“ Yuh diamen….! “ kuan Bakei te balalu  lumpat  hunjun tilam je kuntep dengan gita nah, ie balalu manggulung arepe.

Indu Buring balalu balua bara likut atep……mimbit pantu, buk..buk…buk… mantu akae bakei jete , palus nggulung akae dengan tilam te…. Matei

ie.

Narai  Ajar oloh bakas:

  1. Jangan meninggalkan anak kecil  sendirian di rumah, karena bisa  bahaya  mengancam, bisa berbentuk api, rampok, binatang buas , korslet lisrik, jatuh tenggelam  di air, atau jatuh dari jendela.dll

.

  1. Ibu sebagai  orang tua tunggal tidak boleh pergi terlalu lama meninggalkan anak sendirian dirumah, karena …… anak kecil masih perlu  dekat dengan ibunya.

Paling tidak kalau terpaksa  berusaha mancari uang  , maka harus ada pengasuh anak, karena usia anak masih dalam perkembangan  jiwa yang  belum stabil, dia bisa truma, tumbuh menjadi orang penakut  dn kurang percaya diri..

  1. Sebagai  manusia kita jangan hidup dengan tidak tahu sopan santun, rakus, tidak tau diri, meremehkan orang dan semua gue.

.

Sumber :   linda Nisida

2 Responses to “Buring dengan tilam Dah”


  1. November 7, 2011 at 6:45 pm

    tege kisah je rami hndai lah bken ksah ah.kilau kisah tetek kuluk…..

  2. November 11, 2011 at 1:51 pm

    jatun…..tks jadi komen lah….


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



http://anakjalanan.blog.niwakarya.com
Saya terlahir sebagai seorang wanita dari suku Dayak Ngaju Kalimantan Tengah. Berikut ini adalah berbagai pemikiran saya, dari sudut pandang saya sebagai seorang wanita Dayak , terhadap berbagai permasalahan di lingkungan yang menarik perhatian saya.

LANGUAGE

May 2009
M T W T F S S
« Apr   Jun »
 123
45678910
11121314151617
18192021222324
25262728293031

Terhitung

  • 155,565 pembaca

live traffic feed


%d bloggers like this: